నందమూరి బాలకృష్ణ నటిస్తున్న 109వ చిత్రం ‘డాకు మహారాజు’. బ్లాక్ బస్టర్ డైరెక్టర్ బాబీ కొల్లి దర్శకత్వం వహిస్తున్న ఈ సినిమాను సితార ఎంటర్‌టైన్‌మెంట్స్ పతాకం పై నాగవంశి నిర్మిస్తున్నారు. ఇక ఈ చిత్రం నుంచి ఇప్పటికే విడుదలైన పోస్టర్లు, రెండు భారీ యాక్షన్ గ్లింప్స్ ప్రేక్షకులను ఎంతగానో ఆకట్టుకున్నాయి. మరీ ముఖ్యంగా బాలయ్య మునుపెన్నడూ చూడని కొత్త లుక్‌లో దర్శనమివ్వడంతో అందరూ ఫిదా అవుతున్నారు. రాజస్థాన్ బ్యాక్ డ్రాప్‌లో తెరకెక్కుతున్న ఈ సినిమా ప్రేక్షకులకు ఎలాంటి సంతృప్తినిస్తుంది అనేది తెలియాల్సి ఉంది. ముఖ్యంగా బాలయ్య బాబు అభిమానులైతే ఈ సినిమా కోసం చాలా ఈగర్‌గా ఎదురుచూస్తున్నారు. ఇక ఈ సంక్రాంతికి బాలయ్య తన నట విశ్వరూపాన్ని చూపించబోతున్నాడనేది కూడా చాలా క్లియర్‌గా తెలుస్తుంది. ఈ క్రమంలో బాలకృష్ణకు సంబంధించిన ఓ న్యూస్ నెట్టింట వైరల్ అవుతోంది. అదేంటంటే..
‘డాకు మహారాజ్’ సినిమా కోసం బాలయ్య బాబు దాదాపు రూ.30 కోట్ల వరకు రెమ్యూనరేషన్ తీసుకున్నట్టుగా తెలుస్తోంది. ప్రస్తుతం ఉన్న సీనియర్ హీరోలందరిలో చిరంజీవి తర్వాత బాలయ్య బాబు చాలా ఎక్కువ రెమ్యునరేషన్ తీసుకుంటున్న హీరోగా గుర్తింపు సంపాదించుకుంటున్నాడు. దీంతో బాలయ్య ఫ్యాన్స్ మరి మా బాలయ్య బాబు అంటే ఆమాత్రం ఉంటది అంటూ కామెంట్స్ చేస్తున్నారు. ప్రస్తుతం ఈ న్యూస్ నెట్టింట వైరల్‌గా మారింది.
