వచ్చే ఐపీఎల్ సీజన్ కోసం రాయల్ చాలెంజర్స్ బెంగళూరు(ఆర్సీబీ) ముంబై హెడ్ కోచ్‌ ఓంకార్ సాల్విని బౌలింగ్ కోచ్‌గా నియమించింది. ఈ విషయాన్ని ఆర్సీబీ సోమవారం సోషల్ మీడియా వేదికగా వెల్లడించింది. ఓంకార్ సాల్వికి దేశవాళీలో కోచ్‌గా అపార అనుభవం ఉంది. ప్రస్తుతం అతను ముంబైకి హెడ్ కోచ్‌గా వ్యవహరిస్తున్నాడు. ఈ ఏడాది అతని మార్గదర్శకత్వంలో 8 ఏళ్ల తర్వాత ముంబై జట్టు రంజీ ట్రోఫీ విజేతగా నిలిచింది. అంతేకాకుండా, ఇరానీ కప్‌ టైటిల్ కూడా గెలిచింది. ఈ ఏడాది ఐపీఎల్ టైటిల్ గెలిచిన కోల్‌కతా నైట్ రైడర్స్ జట్టు కోచింగ్ స్టాఫ్‌లో పనిచేశాడు. ఓంకార్ సాల్విపై ఆర్సీబీ డైరెక్టర్ ఆఫ్ క్రికెట్ మో బోబాట్ నమ్మకం ఉంచాడు. టైటిల్ నిరీక్షణకు తెరదించడంలో అతను కీలక పాత్ర పోషిస్తాడని చెప్పాడు.
