ముగ్గులు మన సంస్కృతికి ప్రతీక
ముల్కనూర్ సర్పంచ్ సాంబారి భారతమ్మ కొమురయ్య
మన ప్రజావాణి ప్రతినిధి (చిగురుమామిడి);
ముగ్గులు మన సంస్కృతికి ప్రతీకని ముల్కనూర్ సర్పంచ్ సాంబారి భారతమ్మ కొమురయ్య అన్నా రు. చిగురుమామిడి మండలం ముల్కనూర్ గ్రామంలో శనివారం రోజున ఐకేపీ ఆధ్వర్యంలో నిర్వహించిన ముగ్గుల పోటీలకు ముఖ్య అతిథిగా సర్పంచ్ సాంబారి భారతమ్మ కొమురయ్య హాజరయ్యారు. ఈ సందర్భంగా మహిళలు వేసిన ముగ్గులను పరిశీలించి విజేతల పేర్లను ప్రకటించారు. అనంతరం విజేతలకు బహుమతులు అందజేశారు.
ఈ సందర్భంగా సర్పంచ్ మాట్లాడుతూ…. ముగ్గులు వేయడం తెలుగువారి సంప్రదాయమన్నారు. సృజనాత్మకత, ప్రతిభను చాటేలా చాలా మంది ముగ్గులు వేశారని కొనియాడారు. గ్రామ మహిళా సమైక్య( ఐకేపీ)ఆధ్వర్యంలో ముగ్గుల పోటీలు నిర్వహించడం అభినందనీయమన్నారు. ఈ కార్యక్రమంలో ఉప సర్పంచ్ పైడిపెల్లి వెంకటేష్, గ్రామపంచాయతీ కార్యదర్శి స్వప్న,వార్డు సభ్యులు వంగల రాము, మర్రి విజయలక్ష్మి, ఇరుకుల్లా స్తృపిత్ కుమార్, పిట్టల తిరుపతి, ఎం.డి రజాక్, పందిపెల్లి కీర్తన- శ్రీకాంత్ ముల్కనూర్ గ్రామ ప్రాథమిక పాఠశాల ప్రధానోపాధ్యాయులు శారద, మాజీ ఉప సర్పంచ్ కయ్యం తిరుపతి, కాంగ్రెస్ నాయకులు పూదరి వేణుగోపాల్, పైడిపెల్లి సతీష్, పిట్టల రాజు, మర్రి శ్రీనివాస్, ఐకెపి సిబ్బంది, స్వయం సహాయక సంఘాల సభ్యులు, గ్రామ పెద్దలు, మహిళలు పాల్గొన్నారు.
